Bangkok 物價指數低，所以食物同購物都好抵，今次QT就想介紹一間讓你有5星級享受嘅cafe! 先唔講食物，cafe以清新全白色配綠植物嘅裝潢已經直接迷倒QT! 全店仲瀰漫着一份清新嘅香薰味，加上Cafe嘅中心係有一棵仿真度極高嘅假樹以及大量的植物，令到QT覺得自己好似置身係大自然之中😚
今次黎到我就點左佢哋嘅all day high tea set黎試下，我老公唔岩甜野佢自己點左個jumbo crab 🦀 pasta ! 個tea Set 以白色鳥籠做主題，食物以牛角包同英式鬆餅做底層食物，第二層係水果同檸檬果凍，最後再配上熱情果奶奶同brownies~ 整體食物味道同賣相都滿意！係QT個人就一向唔太愛檸檬味甜點。老公點嘅pasta最為令人驚喜！汁底係香辣嘅濃鮮茄汁，配上軟硬度適中嘅闊條麵，醬汁口口包覆着每一注意粉，而且每一啖都有極多嘅蟹肉！👍🏻👍🏻👍🏻 跟餐飲品方面就不過不失啦！其實好想試下其他特色飲品不過因為今餐已經有兩杯跟餐飲品所以就今次冇再落單，以免浪費！
整體來講呢度環境同服務都係一流嫁！影相同呃like亦都係非常之合適👍🏻😏價錢上亦都合理啲咁嘅環境服務同食物對比起香港就平得多喇！
食飽飽仲想再嘆下落一層就有埋佢地嘅spa! 環境服務手勢一樣甘正，但價錢就比較貴～ 曼谷度度都甘多spa是但一間都舒服嘅～
ORGANIKA HOUSE
地址：Spa 5th floor , Cafe 6th floor
Building A Piman 49 Soi Soukhumvit 49, Wattana North-KlongTon, Krung Thep Maha Nakhon 10110, 泰國
Search